மத்திய அரசு ஊழியர்களுக்கு முக்கியமான தீர்மானம் ஒன்று இன்று எடுக்கப்பட்டது. சுமார் 50 லட்சம் மத்திய அரசு ஊழியர்கள் மற்றும் 69 லட்சம் ஓய்வூதியதாரர்கள் சம்பள திருத்தத்தின் பலனை பெறவுள்ள நிலையில், மத்திய அமைச்சரவை 8வது மத்திய ஊதியக் குழுவின் (8th Pay Commission) Terms of Reference (ToR)-ஐ செவ்வாய்க்கிழமை ஒப்புதல் அளித்துள்ளது.
இந்தக் குழுவின் தலைவராக முன்னாள் உச்சநீதிமன்ற நீதிபதி ரஞ்சனா பிரகாஷ் தேசாய் நியமிக்கப்பட்டுள்ளார் என்று தகவல் மற்றும் ஒளிபரப்புத் துறை அமைச்சர் அஷ்வினி வைஷ்ணவ் அமைச்சரவை கூட்டத்திற்குப் பிறகு அறிவித்தார்.
இந்தக் குழு தனது பரிந்துரைகளை 18 மாதங்களுக்குள் சமர்ப்பிக்க வேண்டும். புதிய ஊதியங்கள் 2026 ஜனவரி 1 முதல் அமலுக்கு வர வாய்ப்புள்ளதாக அரசாங்கம் தெரிவித்துள்ளது.
குழுவின் அமைப்பு மற்றும் பொறுப்புகள்
ப்ரொஃ. புலக் கோஷ் குழு உறுப்பினராகவும், பங்கஜ் ஜெயின் உறுப்பினர்-செயலராகவும் நியமிக்கப்பட்டுள்ளனர்.
இந்தக் குழுவுக்கான ToR பல அமைச்சகங்கள், மாநில அரசுகள் மற்றும் Joint Consultative Machinery (JCM) ஊழியர் சங்கங்களுடன் கலந்தாலோசனை செய்து இறுதி செய்யப்பட்டது.
முன்பு ஜூலை மாதத்தில், மத்திய அரசு பாராளுமன்றத்தில் தெரிவித்ததாவது — பாதுகாப்பு, உள்துறை, பணியாளர் துறை உள்ளிட்ட முக்கிய அமைச்சகங்களிடமிருந்து 8வது ஊதியக் குழு அமைப்புக்கான கருத்துகள் பெறப்பட்டன என்று.
புதிய ஊதியம் எப்போது அமலுக்கு வரும்?
நிதி அமைச்சின் மாநில அமைச்சர் பங்கஜ் சௌதரி முன்னதாக தெரிவித்ததாவது — குழுவின் பரிந்துரைகள் அரசால் ஏற்கப்பட்டதும், அதன் பின்னர் புதிய ஊதியங்கள் அமலுக்கு வரும் என்று கூறினார்.
சாதாரணமாக, மத்திய அரசு ஒவ்வொரு 10 ஆண்டுகளுக்கும் ஒருமுறை ஊதியக் குழுவை அமைத்து அரசு ஊழியர்களின் சம்பளம் மற்றும் பலன்கள் திருத்தப்படுகிறது.
7வது ஊதியக் குழு 2014 பிப்ரவரியில் அமைக்கப்பட்டு, அதன் பரிந்துரைகள் 2016 ஜனவரி 1 முதல் அமல்படுத்தப்பட்டன.
அதேபோல், 8வது ஊதியக் குழு பரிந்துரைகள் 2026 ஜனவரி 1 முதல் நடைமுறைக்கு வரும் என எதிர்பார்க்கப்படுகிறது.
பணவீக்கம் ஈடு செய்ய Dearness Allowance (DA) திருத்தம் தொடரும்
புதிய ஊதிய அமைப்பு அமலுக்கு வரும் வரை, அரசு ஊழியர்களுக்கு Dearness Allowance (DA) பணவீக்கத்தால் ஏற்படும் பாதிப்பை ஈடு செய்ய வழங்கப்படும். இது ஆறு மாதத்திற்கு ஒருமுறை பணவீக்க விகிதத்தை அடிப்படையாகக் கொண்டு திருத்தப்படும்.
8வது ஊதியக் குழுவின் அமைப்புடன், அரசு ஊழியர்கள் அடிப்படை ஊதியம், ஓய்வூதியம் மற்றும் பலன்கள் ஆகியவற்றில் குறிப்பிடத்தக்க உயர்வு கிடைக்கும் என எதிர்பார்க்கப்படுகிறது. இது இந்தியாவின் அரசு ஊழியர் ஊதிய திருத்த வரலாற்றில் மேலும் ஒரு முக்கிய கட்டமாகும்.
